Wednesday, October 19, 2016

चल ना आई

(अमेरिकेत वाढणार्‍या मुलांना मराठी शिकवताना सोप्या शब्दांचा वापर करुन रोजच्या वापरातले शब्द ठाऊक व्हावेत यासाठी करत असलेल्या प्रयत्नातून सुचलेली कविता.)

निळं आकाश
अंधुक प्रकाश
चमकता तारा
गार वारा!

चल ना आई,
जमीनीवर झोपू
आकाशात चांदण्या
किती सांग बघू!

चंद्र आला सोबतीला
बाबा लागला गायला!
आई लागली,
कौतुकाने पाहायला

ही खरी गंमत!
आई, बाबा,
अशीच रोज हवी
तुमची संगत!  - मोहना जोगळेकर

No comments:

Post a Comment

तुम्हाला माझ्या लिखाणाबद्दल काय वाटतं हे जाणून घ्यायला मला निश्चितच आवडेल. एखादी छोटीशी प्रतिक्रिया लिहणा‍र्‍याला खूप उत्साह देते. मग कळवाल ना मला तुम्हाला काय वाटलं वाचून ते? तुमच्या प्रतिक्रियेने मला कदाचित आणखी विषय सुचतील, सुधारणेला वाव मिळेल आणि मुख्य म्हणजे आपली ओळख होईल.