बाईच्या कविता २

 

किरण येलेंच्या कविता ऐकणं, वाचणं हा एक अनुभव असतो. दर महिन्याच्या तिसऱ्या रविवारी इथून मी आणि कणकवलीहून प्रसाद घाणेकर आणि zoom वर अभिवाचन करतो.

गेल्या महिन्याच्या कार्यक्रमात किरण येले यांच्या बाईच्या कविता २ ह्या त्यांच्या नवीन काव्यसंग्रहावर कार्यक्रम होता ते स्वतः या कार्यक्रमाला उपस्थित राहिले होते. ते काव्यसंग्रहाबद्दल बोलले आणि काही कविताही त्यांनी वाचल्या. 

शेवटी मी, अमेरिकेतील स्त्री आणि भारतीय स्त्री असा स्वानुभावावर तुलनात्मक लेख वाचला. 

ऐका आणि आपल्या प्रतिक्रिया जरूर नोंदवा.

निर्णय

निर्णय हा माझा १२ वा लघुपट. १२ पैकी २ भारतातल्या व्यावसायिक दिग्दर्शकांनी केले. दोन्हीसाठी कथा माझी आणि मी त्यात भूमिकाही  केल्या. उरलेले मी हळूहळू इथे महणजे अमेरिकेत सर्व शिकत, शिकत केलेले.

निर्णय हा लघुपट माझ्यासाठी महत्त्वाचा आहे कारण लेकीने उत्साहाने (!) काम केलं आहे. कधी नव्हे ते मी सांगेन ते न कुरकुरता तिला करावं लागत होतं आणि ती ते आनंदाने करत होती. तरी आईवर चिडायची संधी तिने लघुपटातल्या आईवर चिडून घेतली आहे आणि ते तिला चांगलं जमलं आहे कारण वेगळं काही करावं लागलं नाही, घरी जे करते तेच तिथे 😊.

लघुपट आवडला तर अभिप्राय द्या, आवडल्याचा शिक्का (like) उमटवा, इतरांना पाठवा आणि ९४ लोकांनी वाहिनीचे सभासद (subscriber) व्हा म्हणजे मला माझा परिवार १००० लोकांचा झाला याचा आनंद उपभोगता येईल.

अरुणा ढेरे कथा - निर्णय

लेखिका अरुणा ढेरे ह्यांच्या ६९ व्या वाढदिवसानिमित्त एकूण ७० अरूणाताई या उपक्रमात मी त्यांची एक कथा वाचली आहे त्याचा दुवा.